അഡ്വ. എൻ. രമേശ് ഓണത്തിന്റെ ഐതിഹ്യവും സമത്വത്തിന്റെയും സഹവർത്തിത്വത്തിന്റെയും സന്ദേശവും വിദ്യാർഥികളുമായി പങ്കുവച്ചു. പുതുതലമുറയ്ക്ക് വെളിച്ചവും ദിശാബോധവും നൽകുന്നതായിരുന്നു സന്ദേശം. സർട്ടിഫിക്കറ്റ് വിതരണവും പുരസ്കാര സമർപ്പണവും അദ്ദേഹം നിർവഹിച്ചു.
അക്കാദമി ഡയറക്ടർ സജിത അനിൽ അധ്യക്ഷത വഹിച്ചു. അധ്യാപിക അമൃത പി. സാബു സ്വാഗതവും ആതിര നന്ദിയും പറഞ്ഞു. മാനേജർ അനിൽ നേതൃത്വം നൽകി. തുടർന്ന് വിദ്യാർഥികളുടെ തിരുവാതിര, കൈകൊട്ടിക്കളി, കസേരകളി, സംഗീത-നൃത്ത പരിപാടികളും വിവിധ കലാ-കായിക മത്സരങ്ങളും നടന്നു. ഓണസദ്യയും ഒരുക്കിയിരുന്നു.