നെല്ലിക്കുഴി ഗ്രാമപഞ്ചായത്ത് കുടുംബശ്രീ സി.ഡി.എസിന്റെ നേതൃത്വത്തില്‍ മൂന്ന് ദിവസക്കാലം നീണ്ടുനിൽക്കുന്ന വിഷു -ഈസ്റ്റര്‍ വിപണന മേള ആരംഭിച്ചു. വിപണന മേളയുടെ ഉദ്ഘാടനം നെല്ലിക്കുഴി ഗ്രാമപഞ്ചായത്ത് പ്രസിഡന്റ്‌ പി.എം മജീദ് നിർവഹിച്ചു. ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്ണ്‍ മൃദുല ജനാര്‍ദ്ദനൻ ചടങ്ങിൽ അധ്യക്ഷത വഹിച്ചു.
വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ എം.എം അലി, ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ എന്‍.ബി ജമാല്‍ , മെമ്പര്‍മാരായ കെ.കെ നാസര്‍, സീന എല്‍ദോസ് , സി.ഡി.എസ് ചെയര്‍പേഴ്സണ്‍ ഐഷ അലി , പഞ്ചായത്ത് അസിസ്റ്റന്റ് സെക്രട്ടറി ഇ.എം അസീസ്, കൃഷി ഓഫീസര്‍ ജിജി ജോബ് തുടങ്ങിയവര്‍ പങ്കെടുത്തു.