കാർഷിക വികസന കർഷക ക്ഷേമ വകുപ്പിന്റെ ഞങ്ങളും കൃഷിയിലേക്ക് പദ്ധതിയുടെ പ്രചരണാർത്ഥം നടത്തിയ കലാജാഥക്ക് മുവാറ്റുപുഴയിൽ മുവാറ്റുപുഴ എം എൽ എ ഡോ:മാത്യു കുഴൽ നാടൻ പതാക കൈമാറി തുടക്കം കുറിച്ചു .കച്ചേരിതാഴത്തു നിന്ന് 12/04/2022 രാവിലെ 11 മണിക്ക് ആരംഭിച്ച കലാജാഥക്ക് മുവാറ്റുപുഴ ബ്ലോക്ക് പഞ്ചായത്ത് പ്രസിഡന്റ് ഡോ: ജോസ് അഗസ്റ്റ്യൻ സന്ദേശം കൈമാറുകയും മുനിസിപ്പൽ ചെയർമാൻ പി പി എൽദോസ് പ്രതിജ്ഞ ചൊല്ലിക്കൊടുക്കുകയും കലാജാഥക്കൊപ്പമുള്ള വിത്തുവണ്ടിയിൽ നിന്നുമുള്ള വിത്തുവിതരണ ഉദ്ഘാടനം ജില്ലാ പഞ്ചായത്ത് മെമ്പർ റാണിക്കുട്ടി ജോർജ്‌ജം നിർവ്വഹിച്ചു. ബ്ലോക്ക് പഞ്ചായത്ത് മെമ്പർമാർ, മുനിസിപ്പൽ കൗൺസിലർമാർ കാർഷിക വികസന സമിതി അംഗങ്ങൾ കർഷകർ മുവാറ്റുപുഴ ബ്ലോക്കിലെ മുഴുവൻ കൃഷി ഉദ്യോഗസ്ഥരും തുടങ്ങിയവർ പങ്കെടുത്തു നീറമ്പുഴ എൽ പി സ്ക്കൂൾ, ആയവന SNസ്ക്കൂൾ എന്നിവിടങ്ങളിലെ കുട്ടികൾ അവതരിപ്പിച്ച ഫ്ളാഷ് മോബ്, കൃഷി ജീവനക്കാരായ റിജുമോൻ ദേവസ്യ വിഷ്ണു ബിനോയ് എന്നിവർ അവതരിപ്പിച്ച ചാക്യാർ കൂത്ത് ബിനി മക്കാരിന്റെ നാടൻ പാട്ട് തുടങ്ങിയ കലാപരിപാടികളും നടന്നു.