പാം ജുമെയ്‌റയിലെ വടക്കന്‍ മേഖലയിലാണ് ഈ വില്ല സ്ഥിതി ചെയ്യുന്നത്. 80 മില്ല്യണ്‍ ഡോളര്‍(ഏകദേശം 639 കോടി രൂപ) തുകയ്ക്കാണ് ഈ വില്ല അംബാനി സ്വന്തമാക്കിയതെന്ന് ബ്ലൂംബെര്‍ഗ് റിപ്പോര്‍ട്ട് ചെയ്തു. പത്ത് കിടപ്പുമുറികള്‍, ഒരു സ്വകാര്യ സ്പാ, ഇന്‍ഡോര്‍-ഔട്ട്‌ഡോര്‍ പൂളുകള്‍ എന്നിവയെല്ലാം ഈ വില്ലയിലുണ്ട്.
യു.എ.ഇ. നഗരത്തിലെ ഏറ്റവും വലിയ തുകയ്ക്കുള്ള ഇടപാടാണിതെന്നാണ് റിപ്പോര്‍ട്ടുകള്‍. ഈ വര്‍ഷം ആദ്യമാണ് മുകേഷ് അംബാനി ഈ വില്ല വാങ്ങിയത്. ഇതുവരെയും ഇടപാടുസംബന്ധിച്ച റിപ്പോര്‍ട്ട് രഹസ്യമാക്കി വെച്ചിരിക്കുകയായിരുന്നു. പുതിയ വില്ലയുടെ സുരക്ഷയ്ക്കും തങ്ങളുടെ ആവശ്യത്തിന് അനുസരിച്ച് രൂപമാറ്റം വരുത്തുന്നതിനും അംബാനിക്കുടുംബം വലിയ തുക മുടക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നു.
ആഡംബര ഹോട്ടലുകളും ക്ലബുകളും സ്പാകളും നിരവധി റെസ്റ്റൊറന്റുകളും വിലകൂടി അപ്പാര്‍ട്ട്‌മെന്റുകളും അടങ്ങിയതാണ് ദുബായിലെ പാം ജുമെയ്‌റ. ഡേവിഡ് ബെക്കാം, ഭാര്യ വിക്ടോറിയ, ഷാറൂഖ് ഖാന്‍ തുടങ്ങിയവര്‍ക്ക് പാം ജുമെയ്‌റയില്‍ വില്ലകളുണ്ട്