ഫോഗട്ടിൻ്റെ മരണവുമായി ബന്ധപ്പെട്ട് രണ്ട് പേരുടെ അറസ്റ്റ് ഗോവ പോലീസ് രേഖപ്പെടുത്തിയിരുന്നു. പേഴ്‌സണല്‍ അസിസ്റ്റന്റ് സുധീര്‍ സങ്‌വാന്‍, ഇയാളുടെ സുഹൃത്ത് സുഖ്വിന്ദര്‍ വാസി എന്നിവരാണ് അറസ്റ്റിലായത്. ഇവരെ ചോദ്യം ചെയ്തപ്പോഴാണ് കൂടുതൽ വിവരങ്ങൾ പുറത്തുവന്നത്. മരണത്തിന് മുൻപ് റെസ്റ്റോറന്റിൽ വെച്ച് പ്രതികൾ ഫോഗട്ടിന് മയക്കുമരുന്ന് കലർത്തിയ പാനീയം നൽകിയെന്നാണ് റിപ്പോർട്ട്.
പ്രതികളിലൊരാൾ ഫോഗട്ടിനെ ബലമായി മയക്കുമരുന്ന് കഴിക്കാൻ പ്രേരിപ്പിക്കുന്ന സിസിടിവി ദൃശ്യങ്ങൾ ലഭ്യമായതായി ഗോവ ഐജി ഓംവീർ സിംഗ് വ്യക്തമാക്കി. സുധീര്‍ സങ്‌വാന്‍, സുഖ്വിന്ദര്‍ വാസി എന്നിവരാണ് മയക്കുമരുന്ന് കലർത്തിയ പാനീയം ഫോഗട്ടിനെ കുടിപ്പിക്കാൻ ശ്രമിച്ചത്. പോലീസിന്റെ രാസപരിശോധന പൂർത്തികാകും വരെ കൂടുതൽ വിവരങ്ങൾ വെളിപ്പെടുത്താനാകില്ലെന്നും പോലീസ് പറഞ്ഞു.
അറസ്റ്റിലായ പ്രതികളെ തെളിവെടുപ്പിനായി വിവിധ സ്ഥലങ്ങളിൽ എത്തിക്കും. കൂടുതൽ തെളിവുകൾ ആവശ്യമാണ്. ആന്തരാവയവങ്ങളുടെ രാസ പരിശോധനയ്ക്കും മറ്റ് പരിശോധനകൾക്കും ശേഷമെ കരണകാരണം സംബന്ധിച്ച് കൂടുതൽ വ്യക്തത ലഭിക്കൂവെന്ന് പോലീസ് പറഞ്ഞു.