ജെ മുഹമ്മദ് റാഫി സ്മാരക അധ്യാപക അവാർഡ് ഹരീഷ് ആർ നമ്പൂതിരിപ്പാടിന്

തിരുവനന്തപുരം : സംസ്ഥാന മദ്യവർജ്ജന സമിതിയുടെ ജെ മുഹമ്മദ് റാഫി സ്മാരക അധ്യാപക അവാർഡ് ഹരീഷ് ആർ നമ്പൂതിരിപ്പാടിന് .

2022 ഏപ്രിൽ 23 ശനിയാഴ്ച വൈകുന്നേരം 5 മണിക്ക് തിരുവനന്തപുരം ഗാന്ധിഭവനിൽ  സംഘടിപ്പിക്കുന്ന ചടങ്ങിൽ എറണാകുളം ജില്ലയിൽ മൂവാറ്റുപുഴ വിദ്യാഭ്യാസ ജില്ലയിലെ രാമമംഗലം ഹൈസ്കൂൾ അധ്യാപകനായ ഹരീഷ് ആർ നമ്പൂതിരിപ്പാടിന് മുൻ എംപി പന്ന്യൻ രവീന്ദ്രൻ പുരസ്കാരം നൽകും .അധ്യാപകനും ബാലസാഹിത്യകാരനുമായ ഹരീഷ് ആർ നമ്പൂതിരിപ്പാട് ബാലസാഹിത്യ, പുരാണ വൈജ്ഞാനിക മേഖലകളിൽ 46 പുസ്തകങ്ങൾ രചിച്ചിട്ടുണ്ട്. രണ്ട് വർഷക്കാലമായി ഗുണപാഠകഥകൾ രചിച്ച് ശബ്ദം നൽകി വാട്സാപ്പ് വഴി കുട്ടികളിൽ എത്തിക്കുന്നു.മദ്യവർജ്ജനം, ലഹരിവിരുദ്ധ പ്രവർത്തനം എന്നിവയ്ക്ക് വേണ്ടി പ്രവർത്തിക്കുന്ന  സർക്കാർ അംഗീകൃത. സംഘടനയാ സംസ്ഥാന മദ്യവർജ്ജന സമിതി അധ്യാപകർ ഉൾപ്പെടെ   വിവിധ മേഖലയിൽ പ്രാഗത്ഭ്യം തെളിയിച്ച പ്രതിഭകൾക്ക് പുരസ്കാരം നൽകാറുണ്ട്.

കൂത്താട്ടുകുളം കാക്കൂർ കാഞ്ഞിരപ്പിള്ളി മനയിൽ രാമൻ നമ്പൂതിരിപ്പാടിന്റെയും നളിനി അന്തർജ്ജനത്തിന്റെയും  മകനാണ് ഹരീഷ് ആർ നമ്പൂതിരിപ്പാട് .....