മൂവാറ്റുപുഴയിൽ കാറും ബൈക്കും കൂട്ടിയിടിച്ച് സഹോദരങ്ങൾക്ക് പരിക്ക്

മൂവാറ്റുപുഴ : കാറും ബൈക്കും കൂട്ടിയിടിച്ച് ബൈക്ക് യാത്രക്കാരായ സഹോദരങ്ങള്‍ക്ക് പരിക്ക്. കല്ലൂര്‍ക്കാട് വാത്യാപിള്ളില്‍ ജയന്‍ (52), ബിനോയ് (47) എന്നിവര്‍ക്കാണ് പരിക്കേറ്റത്. വൈകുന്നേരം അഞ്ചോടെ ആനിക്കാട് പള്ളിക്കു സമീപമായിരുന്നു അപകടം. അപകടത്തെ തുടര്‍ന്ന് റോഡില്‍ തെറിച്ചുവീണ സഹോദരങ്ങളെ നാട്ടുകാര്‍ കോലഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. പോലീസും സ്ഥലത്തെത്തിയിരുന്നു. അപകടത്തെ തുടര്‍ന്ന് കാറിന്‍റെ മുന്‍വശവും ബൈക്കും തകര്‍ന്നു. കനത്ത മഴയത്തായിരുന്നു. അപകടം.