മൂവാറ്റുപുഴ : പ്ലസ് ടു വിനു ശേഷം മികച്ച കരിയർ തിരഞ്ഞെടുക്കുവാൻ കുട്ടികളെ പ്രാപ്തമാക്കുക എന്ന ലക്ഷ്യം മുൻനിർത്തി ജെ സി ഐ മൂവാറ്റുപുഴ ഇഗ് നൈറ്റിന്റെ ആഭിമുഖ്യത്തിൽ മൂവാറ്റുപുഴ നിർമല കോളേജ് ഫാർമസിയിൽ കരിയർ ഗൈഡൻസ് സെമിനാർ സംഘടിപ്പിച്ചു.
കോളേജ് അഡ്മിനിസ്ട്രേറ്റർ ഫാ.ജോസ് മത്തായി മൈലാടിയത്ത് സെമിനാർ ഉദ്ഘാടനം ചെയ്തു. പ്രശസ്ത കരിയർ വിദക്തൻ ഡോ: പി ആർ വെങ്കിട്ടരാമൻ വിവിധ കോഴ്സുകളെ കുറിച്ചും തൊഴിൽ മേഖലകളെ കുറിച്ചും ക്ലാസ് നയിച്ചു. വിദേശ പഠന സാധ്യതകളെ കുറിച്ചുളള ക്ലാസിന് ക്യാപ്റ്റൻ . സോജൻ ജോസ് നേത്രത്വം നൽകി. കോളേജ് പ്രിൻസിപ്പൽ ഡോ: ബദ്മനാബൻ ആർ, മുനിസിപ്പൽ കൗൺസിലർ ജിനു മടേക്കൽ, ജിജേഷ് ജോർജ്, ദീപക് സി ജോയി, ഡൊമിനിക് സനു എന്നിവർ സംസാരിച്ചു.