മാറാടി കൃഷി ഭവന്റെ ആഭിമുഖ്യത്തിൽ നടത്തുന്ന ഞങ്ങളും കൃഷിയിലേക്ക് എന്ന ക്യാമ്പയിൻ ഭാഗമായി ഈസ്റ്റ് മാറാടി വി.എച്ച്.എസ്. സ്കൂളിലെ നാഷണൽ സർവീസ് സ്കീം യൂണിറ്റിന്റെയും സൈക്കിൾ ക്ലബിന്റെയും സംയുക്താഭിമുഖ്യത്തിൽ സൈക്കിൾ റാലി സംഘടിപ്പിച്ചു.
മാറാടി പഞ്ചായത്ത് ജംഗ്ഷനിൽ നിന്നും സൈക്കിൾ റാലി ആരംഭിച്ചു. പഞ്ചായത്ത് പ്രസിഡന്റ് ഒ പി ബേബി ഫ്ലാഗ് ഓഫ്‌ ചെയ്തു. ചടങ്ങിൽ വൈസ് പ്രസിഡന്റ് ബിന്ദു ജോർജ്, സ്ഥിരം സമിതി അദ്ധ്യക്ഷൻ പി പി ജോളി, വാർഡ് മെമ്പർ ഷിജി മനോജ്‌, കാർഷിക വികസന സമിതി അംഗം സജി ടി ജേക്കബ്, സ്കൂൾ പി.റ്റി.എ പ്രസിഡന്റ് സിനിജ സനിൽ, വേണു എസ് ജി, സുമേഷ് എം പി, സിനിമോൾ ഇ പി, റിജു എന്നിവർ പങ്കെടുത്തു. സൈക്കിൾ റാലിക്ക് എൻ.എസ്.എസ് പ്രോഗ്രാം ഓഫീസർ സമീർ സിദ്ദിഖി, കൃഷി ഓഫീസർ എൽദോസ് എബ്രഹാം എന്നിവർ നേതൃത്വം നൽകി. മാറാടി പഞ്ചായത്ത് കവലയിൽ നിന്നും തുടങ്ങിയ റാലിയ്ക്ക് ഈസ്റ്റ് മാറാടി സ്കൂൾ അധ്യാപകരും വിദ്യാർത്ഥികളും സ്വീകരണം നൽകി. സീനിയർ അസിസ്റ്റന്റ് ഡോ.അബിത രാമചന്ദ്രൻ, റോണി മാത്യു, ഹെഡ്മാസ്റ്റർ അജയൻ എ.എ, പൗലോസ് റ്റി, സുധി മോൻ എ.കെ, സൗമ്യ തുടങ്ങിയവർ പങ്കെടുത്തു
ഈസ്റ്റ് മാറാടിയിൽ സംഘടിപ്പിച്ച സ്വീകരണയോഗത്തിൽ വാർഡ് മെമ്പർ സിജി ഷാമോൻ, കാർഷിക വികസന സമിതി അംഗം ബേബി പി കെ പാറപ്ലാക്കിൽ എന്നിവർ പങ്കെടുത്തു.