മലയാറ്റൂരിൽ നിന്ന് കാർ മോഷ്ടിച്ചയാൾ അറസ്റ്റിൽ . ഇരിങ്ങാലക്കുട അക്കരക്കാരൻ വീട്ടിൽ മിലൻ ബെന്നി (27) നെയാണ് കാലടി പോലീസ് എസ് എച്ച് ഒ അരുൺ.കെ.പവിത്രന്‍റെ നേതൃത്വത്തിൽ അറസ്റ്റ് ചെയ്തത്. കഴിഞ്ഞ 17ന് രാത്രി പതിനൊന്നിന്ന് മലയാറ്റുർ പള്ളിയുടെ സമീപത്തുള്ള പുഴയുടെ കരയിൽ വച്ചിരുന്ന ബാഗ് കവർച്ച ചെയ്ത് അതിലുണ്ടായിരുന്ന താക്കോൽ ഉപയോഗിച്ച് പള്ളിയുടെ മുൻവശത്തു റോഡിൽ പാർക്കു ചെയ്തിരുന്ന ഏഴ് ലക്ഷം രൂപ വിലവരുന്ന കാറും, മൊബൈൽ ഫോണും, രണ്ടായിരം രൂപയുമാണ് ഇയാൾ മോഷ്ടിച്ച് കടന്നത്. അങ്കമാലി കിടങ്ങൂരിൽ താമസിക്കുന്ന സുധീറിന്‍റെതാണ് വാഹനം .