വടാട്ടുപാറയിൽ 12 അടി നീളമുള്ള കൂറ്റൻ രാജവെമ്പാലയെ പിടികൂടി

കോതമംഗലം: വടാട്ടുപാറയിൽ സ്വകാര്യ വ്യക്തിയുടെ പറമ്പിൽ നിന്ന് 12 അടി നീളമുള്ള കൂറ്റൻ രാജവെമ്പാലയെ പിടികൂടി. വടാട്ടുപാറ റോക്ക് ജംഗ്ഷനിൽ പന്തനാൽ കുട്ടപ്പന്റെ വീടിന് സമീപത്തുവെച്ചാണ് ഇന്ന് വൈകിട്ട് രാജവെമ്പാലയെ  വീട്ടുകാർ കണ്ടത്. ഉടൻ തന്നെ ഫോറസ്റ്റ് ഉദ്യോഗസ്ഥരെ വിവരം അറിയിക്കുകയായിരുന്നു.

കോടനാട് സെക്ഷൻ ഫോറസ്റ്റ് ഓഫീസർ ജെ.ബി സാബുവിന്റെ നേതൃത്വത്തിൽ വനപാലകർ സ്ഥലത്തെത്തി അതിസാഹസികമായാണ് രാജവെമ്പാലയെ പിടികൂടിയത്‌. ഏകദേശം 12 അടിയോളം നീളം വരുന്ന രാജവെമ്പാലയെ ശാസ്ത്രീയ രീതിയിലൂടെയാണ് സാബു പിടികൂടിയത്.