വാട്ട്സ്ആപ്പില്‍ അവതാര്‍ പ്രൊഫൈല്‍ ഫോട്ടോകള്‍? പുതിയ ഫീച്ചര്‍ വരുന്നതായി റിപ്പോർട്ട്

അവതാര്‍ പ്രൊഫൈല്‍ ഫോട്ടോകള്‍ സജ്ജീകരിക്കാന്‍ ഉപയോക്താക്കളെ അനുവദിക്കുന്ന ഫീച്ചര്‍ കൊണ്ടുവരാന്‍ വാട്ട്സ്ആപ്പ് ശ്രമം നടത്തുന്നതായി റിപ്പോര്‍ട്ട്. മെറ്റായുടെ ഉടമസ്ഥതയിലുള്ള തല്‍ക്ഷണ സന്ദേശമയയ്ക്കല്‍ സേവനം ആനിമേറ്റഡ് അവതാര്‍ ഉപയോഗിച്ച് വീഡിയോ കോളുകള്‍ക്ക് എപ്പോള്‍ വേണമെങ്കിലും എടുക്കാന്‍ ഉപയോക്താക്കളെ അനുവദിക്കുന്ന ഫീച്ചര്‍ കൊണ്ടുവരുന്നതിനുള്ള ശ്രമങ്ങള്‍ ആരംഭിച്ചതായി നേരത്തെയും റിപ്പോർട്ട്  ഉണ്ടായിരുന്നു കസ്റ്റമൈസ് ചെയ്ത അവതാറിനെ ഡിസ്പ്ലേ ചിത്രമായി സജ്ജീകരിക്കാന്‍ ഉപയോക്താക്കളെ അനുവദിക്കുന്ന അവതാര്‍ പ്രൊഫൈല്‍ ഫോട്ടോ ഫീച്ചര്‍ വാട്ട്സ്ആപ്പ് സജ്ജീകരിക്കുന്നതായി വാബീറ്റ ഇന്‍ഫോാണ് റിപ്പോര്‍ട്ട് ചെയ്തത്. ഉപയോക്താക്കള്‍ക്ക് ഒരു അവതാര്‍ ചിത്രം ഇഷ്ടാനുസൃതം തിരഞ്ഞെടുക്കാനും പശ്ചാത്തല വര്‍ണ്ണം തിരഞ്ഞെടുക്കാനും പ്രൊഫൈല്‍ ഫോട്ടോയായി അവതാര്‍ സജ്ജീകരിക്കാനും എങ്ങനെ കഴിയുമെന്ന് സ്‌ക്രീന്‍ഷോട്ട് മുഖേന കാണിക്കുന്നു. ഫീച്ചര്‍ എപ്പോള്‍ പുറത്തിറങ്ങും എന്നതിനെ കുറിച്ച് ഒരു വിവരവുമില്ല. പുതിയ ഫീച്ചര്‍ കൊണ്ടുവരുന്നതിനായുള്ള പ്രാരംഭ ഘട്ടത്തിലായതിനാല്‍, ഇത് പൊതുജനങ്ങളിലേക്ക് എത്തിക്കുന്നതിന് കുറച്ച് സമയമെടുത്തേക്കാമെന്നും റിപോര്‍ട്ട് പറയുന്നു.